لايفوتكم أنواع الشباب عند الإشارات هههههه

بسم الله الرحمن الرحيم
السلام عليكم ورحمة الله وبركاته
صباح/مساء الورد
كيفكيم مع الأجواء البارده؟
يابنوتات أضحكو على الشباب يوم أضحكو علينا في موضوع عذب الأحساس
{ كما تدين تدان}أحفضوهذي القاعده
هذي أنواع الشباب إذا وقفواعند الاشاره

النوع الاول :
وهو الذي يستغل وقته ويرتب سيارته ويفتح
دروج سيارته ويعفط في الفواتير ويرميها في
الشارع وفجأه ماتدري الا وهو ناقز في المرتبه
اللي ورا يرتبها .. ولا تستغرب اذا شفته ناط
في شنطة السياره ( الرجال مرتب ) وتنفتح
الاشاره والاخ مشغول في التنظيف ..



النوع الثاني :
وهو اللي تقول ان وجهه توه
محتاج تنظيف طفى السياره
علشان ينظف اذنه بالمفتاح
وشوي ويقص اظافر يده وماتدري
الا واهو رافع رجله ويقص اظافر رجله
( قمة النظافه ) !!


النوع الثالث:
وهو اكثر واحد يفرح اذا وقف عند الاشاره
علشان يبداء يستعرض ويرقص ويردح
هو واخوياه ويرقصون السياره معهم !!
وعاد شوف الرقص كيف

النوع الرابع:
وهو عكس الي قبله وهو الي يشغل
شريط خالد عبدالرحمن (اى اغنية قديمة)
وانواع التغلق والحزن وطبعا الاغنيه من كثر
ماهي قديمه تشك انه مغنيها قبل توحيد المملكه
ويكون وجهه مورم من الصياح!!

النوع الخامس:
وهو الي تقول توه مكتشف انه ابو وماتسمع
غير هواشه على بزرانه الي مالين سيارته
وماتدري الا وهو ساحب العقال ومخرب التشخيصه
(يستعمل اساليب التربيه الحديثه)
ويرجمهم بكرتون المناديل الي ماليه السياره
والفضل يعود للمحطه البنزين لو تمر جنبهم
عطوك منديل هديه!!


النوع السادس:
وهو الي يستغل الوقت ويجلس
يشخص ويرش عطر وشوي لايحط
روج ومعلق الايرفون في اذنه
ومشغل شريط (سيلين ديون)
مسوي جو اجنبي!!


النوع السابع:
وهو الي اذا شفته ترحمه
وتقول ميت من الجوع وتشك
انه جالس في مطعم مو في سياره
الرجال ماسك الهمبرجر بيد والببسي
والبطاطس بيد والشوارما في حضنه
والفطاير جنبه والبيتزا في المرتبه الي
وراه ولا تستغرب لو شفته داب في مفطح!!


النوع الثامن:
وهو الي تحس انه ماعنده
وقت ابد ودايم بزي ولابس نظاره
وخاتم ومبحلق في الجريده ومسوي
زحمه في الشارع واللي جنبه طفشان
ومشتغل مسجات بالجوال !!


النوع التاسع:
وهو الي سيارته زحمه مو ناس
لا ماخلى ثوب ولا شماغ ولا بدله
ولاجزمه الا ومركبها
(الله يكرمكم))
معه عشان يكون تبديل الملابس
اسرع عند الاشاره حتى البطانيه
جايبه وماخذها معاه تعرفون
الجو متقلب!!

النوع العاشر:
وهو من يوقف عند الأشاره
وهو بس يقز في هذي السياره
وهذيك وعاد انواع الفنون لما
تكوون السياره اللي جنبه فيها بنات
وانواع الترقم والمغازل
ويتميلح حتى لو كان شكله
شين ومو هذاك الزود اهم شئ تناظره
البنت لا ناظرته عطته اهتمام برد قلبه مالت
بس وش تميلح عليه

ههههههههههههههههههههههههههههههههههههههههههههه
ننتظر ردودكم يابنوتات
وأنتم ياشباب أختارو شخصيتكم
تحياتي

يسلموا احساس

موضوع رهيب

هههههههههههههههههههه

الله يصلحهم جميع :)

دمتِ بخير

:Dالمشكله مافي ولا نوع انا منها !!!!

انا من النوع عيني على الاشارات
اقعد احسب كل اشارة كم تقعد >>> صراحه دائما ما اجد شوارع مظلومه ماكلين حقها
صرت امشي على ساعتي ما انتظر الاشاره تخضر

نبض نورتي آمين الله يصلحهم
_._._._._._._._._._._._._

اليافعي
ههههه شخصيتك حلوه
أعتقد أن الأشاره تكون حمراء لمدة دقيقه وتوجد في بعض الإشارات العد التنازلي
نورتو